Ֆլազոն Դեղակախույթ

From Armenian Medical Info

Contents 1 Ինչ է Ֆլազոնը 2 Ինչի համար է նախատեսված ֆլազոնը 3 Որ դեպքերում է նշանակվում 4 Ինչ պետք է իմանալ ֆլազոն կիրառելուց առաջ 5 Ինչպես պետք է ընդունել ֆլազոնը 6 Ինչ անել, եթե ձեր երեխան մոռանա այս դեղն ընդունել 7 Ինչ անել, եթե ընդունվել է կրկնակի դեղաչափ 8 Պիտանելիության ժամկետը 9 Ինչպես պետք է պահել ֆլազոնը 10 Արտադրող

[edit] Ինչ է Ֆլազոնը

Ներքին ընդունման դեղակախույթ է, 5մլ տարողությամբ գդալում պարունակում է 125մգ մետրոնիդազոլ բենզոատ ըստ եվրոպական դեղագրքի, որը համարժեք է 125մգ մետրոնիդազոլին: Վերջինս ակտիվ բաղադրատարր է:

Ֆլազոնը սպիտակից կաթնագույն դեղակախույթ է`թույլ արտահայտված դեղին երանգով: Այն ունի բանանի հոտ:

Արտադրվում է 100մլ տարողությամբ շշիկներով, որի հետ նախատեսված է դեղաչափիչ:

Մետրոնիդազոլ բենզոատը մանրէասպան, հակավարակային միջոց է:

[edit] Ինչի համար է նախատեսված ֆլազոնը

Մետրոնիդազոլն ունի հակամանրէային և հակապրոտոզոային ազդեցություն, արդյունավետ է լայն սպեկտրի ախտածին մանրեների, հատկապես` Bacteroides, Fusobacteria, Clostridia, Eubacteria, անաէրոբ կոկկեր և Gardnerella vaginalis, ինչպես նաև Trichomonas, Entamoeba histolytica, Giardia lambia և Balantidium coli հանդեպ:

Ներքին ընդունումից հետո արագորեն ներծծվում է, արյան պլազմայում առավելագույն խտությունն ապահովվում է 3 ժամվա ընթացքում: Կիսադուրսբերման ժամանակահատվածը 7-8 ժամ է: Մետրոնիդազոլն արտազատվում է կաթով, սակայն այն քանակը, որը նորածինն ստանում կաթով, զգալի փոքր է նորածնի համար նախատեսված բուժիչ դեղաչափից:

[edit] Որ դեպքերում է նշանակվում

Մանրէահարույց վարակների կանխարգելում և բուժում

• Հետվիրահատական մանրէավարակների կանխարկելում,
• մանրէավարակի` ներառյալ արյան (արյունավարակ, մանրէարյունություն), որովայնի, ուղեղի, թոքերի, ոսկրերի, սեռական համակարգի, կոնքային շրջանի վարակները, ինչպես նաև վիրաբուժական միջամտություններից հետո առաջացած վերքերի բուժում,
• մակաբուծահարույց աղեվարակի բուժում,
• լնդերի խոցավորման և այլ ատամնային վարակների (լնդաբորբ) բուժում,
• ստորին վերջույթների վարակային խոցի և պառկելախոցի բուժում:

[edit] Ինչ պետք է իմանալ ֆլազոն կիրառելուց առաջ

Հայտնեք բծշկին եթե ձեր երեխան`

• գերզգայուն է, կամ ունի ալերգիա մետրոնիդազոլի նկատմամբ,
• ունի լյարդի խանգարումներ, ուղեղի կամ ողնուղեղի ախտահարումներ:

Ընդունում է հետեվյալ դեղերից որևէ մեկը

• արյունը նոսրացնող դեղեր (վարֆարին),
• լիթիում (հակադեպրեսանտ),
• ֆենոբարբիտալ (քնաբեր),
• ֆենիտոյին (հակացնցումային),
• 5-ֆտորուրացիլ և ցիկլոսպորին:

Մետրոնիդազոլը երբեմն կարող է փոխազդել վերոհիշյալ դեղերից որևէ մեկի հետ:

Եթե պատրաստվում եք երեխային տանել բժշկի կամ ատամնաբուժի մոտ, անպայման նրան տեղեկացրեք , որ ձեր երեխան օգտագործում է ֆլազոն մանկական դեղակախույթը:

[edit] Ինչպես պետք է ընդունել ֆլազոնը

Պետք է ավարտել բուժման կուրսը: Շարունակեք դեղակախույթի ընդունումը մինչև բժշկի կողմից դադարեցումը: Դեղակախույթը նախատեսված է խմելու համար:

Երեխայի կողմից ընդունվող մանկական դեղաչափը պայմանավորված է դեղը նշանակելու պատճառով:

Որոշ մանրէավարակների բուժման համար մանկական դեղաչափը մինչև 10 տարեկան երեխաների և նորածինների համար փոքր է`նրանց մարմնի կշռին համապատախան (7.5մգ/կգ վերահաշվարկով`8 ժամը մեկ անգամ):

Պրոտոզոային և այլ վարակների բուժման համար դեղաչափումը և բուժման տևողությունը կարող են տատանվել: Բուժման տևողությունը կարող է լինել 1-10 օր` հետևյալ ընդհանուր օրական դեղաչափերով.

• 10 տարեկանից մեծ երեխաներ`600-2400մգ (24-96մլ),

• 7-10 տարեկան երեխաներ`300-1200մգ (12-48մլ),

• 3-7 տարեկան երեխաներ`200-800մգ (8-32մլ),

• 1-3 տարեկան երեխաներ`150-600մգ (6-24մլ):

Տրիխոմոնազ

• Երեխաներ 10 տարեկանից մեծ.7 օրյա բուժում-200մգ (8մլ), օրը 3 անգամ կամ 400մգ (16մլ) օրը 2 անգամ: Բժիշկը կարող է կրճատել օրերի քանակը դեղաչափը մեծացնելու հաշվին:

• երեխաներ 7-10 տարեկան. 7 օրյա բուժում-100մգ (4մլ) օրը 3 անգամ,

• երեխաներ 3-7 տարեկան. 7 օրյա բուժում-100մգ (4մլ) օրը 2 անգամ,

• երեխաներ 1-3 տարեկան. 7 օրյա բուժում-50մգ (2մլ) օրը 3 անգամ:

Ամեոբիազ

Դեղաչափը և բուժման տևողությունը կախված են հիվանդության աստիճանից`

• երեխաներ 10 տարեկանից մեծ. դեղաչափը կարող է հասնել մինչև 400-800մգ (16-32մլ) օրը 3 անգամ, 5-10 օր,

• երեխաներ 7-10 տարեկան. դեղաչափը կարող է հասնել մինչև 200-400մգ (8-16մլ) օրը 3 անգամ, 5-10 օր,

• երեխաներ 3-7 տարեկան. դեղաչափը կարող է հասնել մինչև 100-200մգ (4-8մլ) օրը 4 անգամ, 5-10 օր,

• երեխաներ 1-3 տարեկան. դեղաչափը կարող է հասնել մինչև 100-200մգ (4-8մլ) օրը 3 անգամ, 5-10 օր:

Լյամլիոզ

• Երեխաներ 10 տարեկանից մեծ (բուժումը`3 օր)-2գ (80մլ) օրը 1 անգամ,

• երեխաներ 7-10 տարեկան (բուժումը`3 օր)-1գ (40մլ) օրը 1 անգամ,

• երեխաներ 3-7 տարեկան (բուժումը`3 օր)-600-800մգ (24-32մլ) օրը 1 անգամ,

• երեխաներ 1-3 տարեկան (բուժումը`3 օր)-500մգ (20մլ) օրը 1 անգամ:

Լնդաբորբ

• Մեծեր և երեխաներ 10 տարեկանից բարձր (բուժումը`3 օր) 200մգ (8մլ) օրը 3 անգամ,

• երեխաներ 7-10 տարեկան (բուժումը`3 օր) 100մգ (4մլ) օրը 3 անգամ,

• երեխաներ 3-7 տարեկան (բուժումը`3 օր) 100մգ (4մլ) օրը 2 անգամ,

• երեխաներ 1-3 տարեկան (բուժումը`3 օր) 50մգ (2մլ) օրը 3 անգամ:

Ատամնավարակ

Միայն 10 տարեկանից մեծ երեխաներ (բուժումը`3-7 օր)-200մգ (8մլ) օրը 3 անգամ:

Ոտքի խոցեր և պառկելախոցեր

Միայն 10 տարեկանից մեծ երեխաներ (բուժումը`7 օր)-400մգ (16մլ) օրը 3 անգամ:

Եթե ձեր երեխան ունի լյարդի խանգարումներ, ապա ընդունվող դեղաչափը պետք է որոշվի բժշկի կողմից:

[edit] Ինչ անել, եթե ձեր երեխան մոռանա այս դեղն ընդունել

Մի անհանգստացեք և տվեք այն հնարավորինս շուտ, եթե մոտ չէ հաջորդ ընդունման ժամանակը:

ՄԻ փորձեք վերականգնել բաց թողնված դեղաչափը:

[edit] Ինչ անել, եթե ընդունվել է կրկնակի դեղաչափ

Երբեք մի ընդունեք երկու դեղաչափ միաժամանակ: Եթե ձեր երեխան առանց ձեր հսկողության խմել է դեղակախույթը, դեմեք բժշկին կամ մոտակա բուժհիմնարկություն:

[edit] Պիտանելիության ժամկետը

Չկիրառել պիտանելիության ժամկետը լրանալուց հետո: Այն նշված է 2 տեղում`

• թղթե տուփի վրա
• շշի պիտակի վրա:

պիտանելիության ժամկետն է 3 տարի:

[edit] Ինչպես պետք է պահել ֆլազոնը

Մինչև 25 ^oC ջերմաստիճանի պայմաններում, մութ տեղում:

Պահել երեխաներին անհասանելի տեղում:

Հիշեք: Այս դեղակախույթը ձեզ համար է: Միայն բժիշկը կարող է նշանակել այն: Երբեք մի տվեք ուրիշին: Դա կարող է վնասել մյուսներին, անգամ եթե նրանց մոտ նկատվում են միևնույն ախտանիշները:

[edit] Արտադրող

Medical Horizon Armenia - Masis