Տրիխոմոնազ

From Armenian Medical Info

Տրիխոմոնիազը սեռական ճանապարհով փոխանցվող վարակիչ հիվանդություն է: Տրիխոմոնազը միզասեռական ուղու հիվանդությունների շարքում գրավում է առաջին տեղը ըստ տարածվածության", բացի այդ այն առաջատարն է նաև սեռական ճանապարհով փոխանցվող հիվանդությունների մեջ: Առողջապահության համաշխարհային կազակերպության 1999 թ-ի տվյալներով երկրագնդի բնակչության 10%-ը հիվանդ է տրիխոմոնազով:

Տրիխոմոնազը արաջին հերթին վտանգավոր է նրանով, որ կարող է բերել ծանր հետևանքների`

• առաջնային անպտղություն
• հղության պաթոլոգիաներ:

Contents 1 Հարուցիչը 2 Ինֆեցիան 3 Ախտանիշները կանանց մոտ 4 Ախտանիշերը տղամարդկանց մոտ 5 Ախտորոշումը 6 Բուժումը

[edit] Հարուցիչը

Հարուցիչն է հեշտոզի տրիխոմոնադը` Trichomonas vaginalis:

Տղամարդու օրգանիզմում տրիխոմոնադը հիմնականում գտնվում է`

• ուրետրայում
• շագանակագեղձում
• սերմնագեղձերում:

Կնոջ օրգանիզմում այն գտնվում է հեշտոցում:

[edit] Ինֆեցիան

Առաջին անգամ օրգանիզմ մուտք գործելով տրիխոմոնադները առաջացնում են ուրետրիտ: Վարակումը տեղի է ունենում սեռական ճանապարհով` հիվանդի կամ ինֆեկցիայի կրողի հետ շբումից: Ինկուբացիոն ժամանակահատվածը կազմում է 1-ից 4 շաբաթ:

[edit] Ախտանիշները կանանց մոտ

• հեշտոցից արտադրություն (հաճախ դեղին, երբեմն տհաճ հոտով)
• մռմռալու կամ քորի զգացում և արտաքին սեռական օրգանների կարմրություն
• ցավ միզելու ընթացքում
• ցավ սեռական կոնտակտի ժամանակ

[edit] Ախտանիշերը տղամարդկանց մոտ

Տղամարդկանց մոտ հաճախ հիվանդությունը անցնում է առանց ախտանիշերի: Երբեմն ի հայտ են գալիս հետևյալ ախտանիշերը`

• միզածորանից արտադրություն
• ցավ և այրոցի զգացում միզելու ընթացքում
• պրոստատիտի ախտանիշներ, երբ ախտահարվում է շագանակագեղձը:

[edit] Ախտորոշումը

Կանանց մոտ ախտորոշման համար վերցնում են նմուշ հեշտոցի արտադրությունից, իսկ տղամարդկանց մոտ` ուրետրայից և շագանակագեղձի սեկրետը: Կատարվում է ցանքս և հետագա հետազոտություններ:

[edit] Բուժումը

Տրիխոմոնազի բուժումը պետք է լինի անհատական և կոմպլեքս: Շատ կարևոր է բուժումը տանել մինչև վերջ, քանի որ չբուժված տրիխոմոնազը կարող է անցնել խրոնիկ ձևի և արտահայտվել մի քանի տարի հետո: