Տեղային անզգաայացնողներ
From Armenian Medical Info
Տեղային անզգայացնողները կամ անեսթետիկները ներմուծման հատվածում դարձելի ձևով ընկճում են նյարդագրգռականությունը և առաջացնում են անեզթեզիա (զգայունության բացակայություն): Սրանք կոչվուն են նաև լոկալ կամ տեղային անալգետիկներ:
Դասակարգումը ըստ քիմիական կառուցվածքի`
- Բարդ եթերներ (Կոկային, Նովոկային, Դիկային, անեսթեզին և այլն):
- Ամիդներ (Լիդոկային, Բուպիվոկային, Տրիմեկային և այլն):
Contents |
[edit] Ֆարմակոդինամիկան
Տեղային անզգայացնողների ներծծումը պայմանավորված է դոզայից, հատկություններից և ներարկման տեղի արյան մատակարարումից: Այս դեպքում ներծծումը ձեռնտու չէ, և այն դանդաղեցնելու համար հարկավոր է դեղը զուգորդել անոթասեղմիչ նյութի հետ, որի ազդեցության հետևանքով իջեցնում ենք անեսթետիկի տոքսիկ էֆեկտը` մեծացնելով ազդման ժամանակահատվածը:
[edit] Կենսաձևափոխումը
Եթերային կառուցվածքով անեսթետիկները արյան պլազմայում արագ քայքայվում են պսևդոխոլինեսթերազա ֆերմենտի շնորհիվ, ընդ որում ռեակցիայի մետաբոլիտները ունեն ալերգեն հատկություններ: Ամիդները քայքայվում են ավելի դանդաղ` լյարդում և քայքայման ընթացքում ալերգեններ համարյա թե չեն առաջացնում:
[edit] Ֆարմակոդինամիկան
Բոլոր անեսթետիկները ունեն արոմատիկ (լիպոֆիլ) և ամինային (հիդրոֆիլ) մասեր: Սրանք հիդրոքլորիդներ են, որոնք ազդելու համար պետք է հիդրոլիզվեն և հենց առաջացած հիմքերն են ազդում ռեցեպտորների վրա: Հասկանալի է, որ նման հիդրոլիզի համար հարկավոր է հիմնային միջավայր, որպեսզի առաջացած հիմքերը ազատ լինեն և կապվեն համապատասխան ռեցեպտորների հետ:
[edit] Ազդեցության մեխանիզմը
Սրանց թիրախն են հանդիսանում նյարդաթելերի նատրիումական կանալները: Տեղային անզգայացնողները միանալով կանալների ընկալիչներին հիդրոֆիլ մասով` ինակտիվացնում են կանալները, որոնք ակտիվ վիճակուն էին, իսկ լիպոֆիլ մասով ինակտիվացնում են արդեն փակ կանալները: Այսինքն կանալները պարալիզվում են: Այսպիսով բոլոր տեղային անեսթետիկները ընկճում են գործողության պոտենցիալի առաջացումն ու տարածումը` չազդելով հանգստի պոտենցիալի վրա:
[edit] Կողմնակի էֆեկտները
Կողմնակի էֆեկտները հիմնականում գերդոզավորման կամ գերզգայունության արդյունք են:
