Պրոլակտին
From Armenian Medical Info
Պրոլակտինը (լատ. prolactinum) հիպոֆիզի առաջնային հատվածի հորմոններից մեկն է: Քիմիական կառուցվածքով հանդիսանում է պեպտիդային հորմոն:
Հոմանիշներն են`
- լակտոտրոպ հորմոն
- լակտոգեն հորմոն
- մամոտրոպին
- մամոտրոպ հորմոն
- լյուտերոտրոպ հորմոն:
Պրոլակտինը դասվում է պրոլակտինանման սպիտակուցների ընտանիքին: Այս ընտանիքնին են դասվում նաը
- սոմատոտրոպինը
- պոլիֆերինը
- պլացենտար լակտոգենը:
Պրոլակտինի ֆիզիոլոգիական դերը վերջնականապես պարզված չէ, սական գործնականորեն հայտնի են հորմոնի թողած բոլոր էֆեկտները: Պրոլակտինի հիմնական օրգան-թիրախն են հանդիսանում կաթնագեղձերը: Այն անհրաժեշտ է լակտացիայի իրագործման համար, ինչպես նաև խթանում է կաթնագեղձերի աճն ու զարգացումը` ծորանների և ալվեոլների շատացմանը:
Բացի կաթնագեղձերից, պրոլակտինի ռեցեպտորներ հայտնաբերվել են օրգանիզմի համարյա բոլոր օրգաններում, սակայն հորմոնի ազդեցությունը վերջիններիս վրա դեռ հայտնի չէ:
