Պրիոնային հիվանդություններ
From Armenian Medical Info
Ներկայումս հայտնի են PrP-ին (Prion- Proteinaceous infectious particle) համապատասխանող գենի 18 տարբեր մուտացիաներ, որոնք կապված են պրիոնային հիվանդությունների հետ (ժառանգվում են որպես դոմինանտ հատկանիշներ):
Այս հիվանդությունները կարող են նաև փոխանցվել ալիմենտար և յաթրոգեն ճանապարհներով: Պրիոնային հիվանդությունները համարվում են և’ ինֆեկցիոն, և’ ժառանգական:
Պրիոնային հիվանդությունները առաջացնում են գլխուղեղի ախտահարումներ: Հավանական է, որ հենց գլխուղեղի ախտահարման պատճառն այն է, որ նեյրոնների թաղնթն է պարունակում ամենաշատ քանակով պրիոնային սպիտակուցներ: Հարկավոր է նշել նաև Գրիգորյան Արտյոմի հիպոթեզը, ըստ որի պրիոնի բջջային (նորմալ) ձևի կոնֆորմացիոն փոփոխության անհրաժեշտ էներգիան այն կարող է ստանալ թաղանթի ապաբևեռացման ժամանակ, իսկ մենք գիտենք, որ 1 նեյրոնի վրա կարող են ավարտվել մինչև 100 000 սինապսներ, այսինքն առաջանում են մեծ քանակով դրդող հետսինապսային պոտենցիալներ,որոնք բացի ԳՊ առաջացնելուց կարող են նաև առաջացնել սպիտակուցի կոմֆորմացիան փոփոխությունը:
