Մինչև մեկ տարեկան երեխայի քաշն ու հասակը
From Armenian Medical Info
Երեխայի ծնվելուց հետո չափում են նրա հասակն ու քաշը: Նորածնի համար նորմալ է համարվում 46-ից 56 սմ հասակը և 2.6-ից 4 կգ քաշը: Բացի այդ հաշվում են նաև Կետլեի ինդեքսը, որն իրենից ներկայացնում է քաշի (գրամներով) և հասակի (սանտիմետրերով) հարաբերությունը: Օրինակ, եթե նորածնի քաշը 3.8 կգ է և հասակը 56 սմ, ապա Կետլեյի ինդեքսը հավասար կլինի 67-ի (3800/56=67): Նորմալ է համարվում, երբ ինդեքսի արժեք 60-ից 70-ն է:
Ծննդաբերությունից հետո առաջին օրերին նորածինների քաշը իջնում է: 3-5 օրական նորածինների քաշի կորստի մաքսիմալ քանակը կազմում է ծնվելուց հետո քաշի 6-8%: Սա բնական պրոցես է և կապված է երեխայի օրգանիզմից ջրի կորստով, մաշկից և թոքերից` շնչառության շնորհիվ, պորտալարի մնացորդի չորացմամբ, մեքոնյումի և մեզի հեռացմամբ: 7-10-րդ օրերին քաշը վերականգնվում է:
| Տարիք | Հասակի միջին ավելացում | Քաշի միջին ավելացում |
| 1 ամիս | 3 - 3,5 սմ | 750 գ |
| 2 ամիս | 3 - 3,5 սմ | 750 գ |
| 3 ամիս | 3 - 3,5 սմ | 750 գ |
| 4 ամիս | 2,5 սմ | 700 գ |
| 5 ամիս | 2,5 սմ | 700 գ |
| 6 ամիս | 2,5 սմ | 700 գ |
| 7 ամիս | 1,5 - 2 սմ | 550 գ |
| 8 ամիս | 1,5 - 2 սմ | 550 գ |
| 9 ամիս | 1,5 - 2 սմ | 550 գ |
| 10 ամիս | 1 սմ | 350 գ |
| 11 ամիս | 1 սմ | 350 գ |
| 12 ամիս | 1 սմ | 350 գ |
Տարիքի հետ երեխայի աճի արագությունը իջնում է: Հասակի ավելացումը ավելի մեծ է ամռանը և գիշերը: Կյանքի առաջին տարում երեխան միջը աճում է 25 սմ:
