Հիպոգլիկեմիա

From Armenian Medical Info

Հիպոգլիկեմիան պաթոլոգիկ վիճակ է, որը բնութագրվում է պերիֆերիկ արյան մեջ գլյուկոզի մակարդակի իջեցմամբ. նորմայում այն կազմում է մոտ 3.7 մմոլ/լ:

Contents 1 Էթիոլոգիա 2 Կլինիկական պատկերը 2.1 Վեգետատիվ 2.2 Նեյրոհիպոգլիկեմիկ 3 Առաջին բուժօգնություն և բուժում

[edit] Էթիոլոգիա

• ջրազրկում;
• ոչ ռացիոնալ սննունդ` ռաֆինացված ածխաջրերի չարաշահում և բջջանքի, վիտամինների ու հանքային աղերի պակաս;
• շաքարային դիաբետի բուժման ժամանակ ինսուլինի կամ շաքարիջեցնող պրեպարատների գերդոզավորում;
• սննդի անբավարար կամ ուշ ընդում;
• անսովոր ֆիզիկական ծանրաբեռնվածություն;
• բազմաթիվ հիվանդություններ;
• կանանց մենստրուացիա;
• ալկոհոլի չարաշահում;
• որոշ օրգանների կրիտիկական անբավարարություն` երիկամային, լյարդային կամ սրտային անբավարարություն, սեպսիս;
• հորմոնալ անբավարարություն` կորտիզոլ, աճի հորմոն, գլյուկագոն ադրենալինի հետ;
• ոչ R-բջջային ուռուցքներ;
• ինսուլինոմա կամ բնածին անոմալիաներ, աուտոիմուն հիպոգլիկեմիա;
• նորածինների հիպոգլիկեմիա;
• ֆիզլուծույթի ներերակային ներմուծում:

[edit] Կլինիկական պատկերը

[edit] Վեգետատիվ

• Գրգռվածություն, անհանգստություն, լարվածություն, վախ
• Պրոֆուզ քրտնարտադրություն
• Տախիկարդիա, արիթմիա
• Տրեմոր` մկանային դող
• Մաշկի գունատություն
• Հիպերտնզիա` զարկերակային ճնշման բարձրացում

[edit] Նեյրոհիպոգլիկեմիկ

• Ճանաչողական ունակության խանգարում
• Հոգնածություն
• Գլխապտույտ, ուշագնացություն
• Տեսողության խանգարում
• Պարեսթեզիաներ
• Սովի զգացում
• Ոչ ադեկվատ պահվածք
• Օջախային նևրոլոգիկ խանգարումներ
• Էպիլեպտանման նոպաներ
• Մահ

[edit] Առաջին բուժօգնություն և բուժում

Թեթև հիպոգլիկեմիայի ժամանակ (գլյուկոզի պարունակությունը արյան մեջ 50-60 մգ/դլ), բավարար է 15գ պարզ ածխաջրեր, օրինակ 120գ մրգահյութ կամ ոչդիետիկ ու ոչ ալկոհոլային քաղցր խմիչք:

Ախտանիշների ավելի վառ արտահայտված լինելու դեպքում հարկավոր է արագ ընդունել 15-20գ պարզ ածխաջրեր և հետո նույքան բարդ ածխաջրեր` թխվածքաբլիթ կամ հաց:

Հիվնդներին, որոնք գտնվում են անգիտակից վիճակում հեղուկներ տալ չի կարելի: Այս դեպքում հարկավոր է լեզվի տակ կամ շրթունքի հետևում դնել ավելի պինդ կամ մածուցիկ շաքարի աղբյուր, ինչպիսիք են` մեղրը, գլյուկոզային գելը, կարամելը: Որպես ալտերնատիվ միջոց կարելի է միջմկանային ներարկել 1մգ գլյուկագոն: Գլյուկագոնը ազդելով լյարդի վրա ավելացնում է գլյուկոզի պարունակությունը արյան մեջ:

Հիվանդանոցային պայմաններում ավելի հարմար է գյլուկոզի 40%-անոց լուծույթի ներերակային ներմուծումը, այն բերում է գիտակցության արագ վերականգնման: