Երկարատև տհաճ զգացում կոկորդում
From Armenian Medical Info
[edit] Հարց
Ինչպե՞ս կարելի է բուժել արդեն մի քանի ամիս տևող տհաճության զգացումը կոկորդում, որը վերածվում է ցավի մի թեթև մրսածությունից:
Միայն խորխաբեր դեղամիջոցները բավական ե՞ն, թե՞ հակաբիոտիկներ են անհրաժեշտ:
Կանխավ շնորհակալություն:
[edit] Պատասխան
Ձեր նշած ախտանիշերից դատելով, մեծ հավանականությամբ կարելի է ասել, որ գործ ունենք խրոնիկական տոնզիլիտի (նշաբորբ) հետ, որն ժամանակ առ ժամանակ ռեցեդիվում է (գլուխ է բարձրացնում) անգինաների տեսքով: Խրոնիկական տոնզիլիտը զարգանում է լիովին չբուժված անգինայից հետո կամ հետևանք է հաճախակի աուտոինֆեկցիաների (ինքն իրեն վարակման) բերանի խոռոչի մանրէներով: Ինչպես նաև խրոնիկական տոնզիլիտը կարող է հանդիսանալ երկրորդային ինֆեկցիա, այսինքն զարգանա մեկ այլ` առաջնային ինֆեկցիայի հետևանքով:
[edit] Բուժումը
Բուժման տակտիկայի ընտրութունը կախված է հիվանդության պատճառից, նշիկների վիճակից և այլն:
Ամեն դեպքում ցանկալի է կոնսերվատիվ (ոչ վիրաբուժական) կոմպլեքս բուժումը, որն իր մեջ ներառում է հետևյալ բուժական միջոցառումները`
- ինֆեկցիայի աղբյուրի վերացում
- բերանի խոռոչի սանացիա կամ առաջնային ինֆեկցիայի բուժում
- հակաբիոտիկներ. միայն բակտերիաբանական հետազոտությունից և հակաբիոտիկի նկատմամբ զգայունության որոշումից հետո
- նշիկների մշակում հակասեպտիկներով
- իմունիտետի կորեկցիա (խրոնիկական տոնզիլիտը հիմնականում զարգանում է իմունաբանական առումով թույլ օրգանիզմներում)
- իմունոմոդուլյատորներ
- վիտամիններ
- ֆիզիոթերապևտիկ միջոցառումներ
- նշիկների ուլտրամանուշակագույն ճառագայթում
- տեղային ավշահանգույցների հատվածում ուտրաձայնային ճառագայթում
Որոշ դեպքերում հարկավոր է վիրաբուժական միջամտություն` տոնզիլեկտոմիա (նշիկների հեռացում), սակայն նշեմ, որ սա ամենալավ լուծման տարբերակը չէ, քանի որ նշիկները իրենց հերթին իմուն բարիեռ են հանդիսանում ինֆեկցիայի համար և նրանց հեռացումը հղի է շնչուղիների հետագա ինֆեկցիաների` լարինգիտի, տրախեիտի կամ (և) բրոնխիտի զարգացման վտանգով:
