Գրիպ
From Armenian Medical Info
Գրիպը (իտալ. influenza, լատ. influentia, ազդեցություն, հուն. Γρίππη) շնչուղիների սուր ինֆերկցոն հիվանդություն է, որն առաջացնում է գրիպի վիրուսը: Մտնում է սուր ռեսպիրատոր վիրուսային ինֆեկցիաների` ՍՌՎԻ-ների, խմբի մեջ: Պերիոդիկ տարածվում է էպիդեմիաների (համաճարակների) կամ պանդեմիաների տեսքով: Ներկայումս հայտնաբերված են գրիպի վիրուսի ավելի քան 2000 տարատեսակներ, որոնք իրարից տարբերվում են անտիգենային սպեկտրով:
Հաճախ "Գրիպ" բառով են անվանում այլ ավելի քան 200 ՍՌՎԻ-ներ, որոնք ունեն ադենովիրուսային, ռինովիրուսային և այլ ծագում ու կլինիկորեն նման են գրիպին:
[edit] Էթիոլոգիա և պաթոգենեզ
Գրիպի վիրուսի մուտքի դարպասներ են վերին շնչուղիների` քթի, շնչափողի և բրոնխների թարթոիչավոր էպիթելի բջիջները: Էպիթելային բջիջներում վիրուսը բազմանում է` բերելով բջջի քայքայման: Հայտնվելով արյան մեջ վիրուսը առաջացնում է վիրեմիա և թողնում է ուղակի տոքսիկ ազդեցություն, որն արտահայտվում է`
- ջերմաստիճանի բարձրացմամբ,
- միալգիաներով,
- գլխացավով:
Բացի այդ վիրուսը մեծացնում է անոթների թափանցելիությունը, առաջացնելով`
- ստազ,
- պլազմորագիա
- հեմորագիա:
Կարող է ճնշել օրգանիզմի պաշտպանական համակարգերը, որով էլ պայմանավորված է երկրորդային ինֆեկցիաները և բարդությունները:
[edit] Բուժումը
Մինև վերջին ժամանակներս գրիպի բուժումը տարվում էր միայն սիմպտոմատիկ`
- ջերմիջեցնող և հակաբորբոքային պրեպարատներ
- խորխաբեր միջոցներ
- վիտամիններ, մասնավորապես C
- հեղուկներ:
Ներկայումս սկսել են կիրառել նոր խմբերի պրեպարատներ`
- իմունոստիմուլյատորներ
- հակավիրուսային պրեպարատներ
- նեյրամիդազի ինհիբիտորներ
- ամանտադիններ` M2 ինհիբիտորներ
- իմունոգլոբուլիններ
- ինտերֆերոնի պրեպարատեներ
