Գինեկոմաստիա
From Armenian Medical Info
Գինեկոմաստիա` (հուն. γῠνή — կին և μαστός — կուրծք) տղամարդկանց մոտ կաթնագեղձի բարորակ հիպերտրոֆիան է, որն ուղեկցվում է գեղձի և ճարպային հյուսվածքի չափորի մեծացմամբ: Կաթնագեղձի մեծացման չափսերը տարբեր են` 1-ից 10 սմ, միջինում կազմելով` 4սմ:
Contents |
[edit] Էթիոլոգիան
Գինեկոմաստիայի պատճառ կարող են հանդիսանալ մի շարք էնդոկրինոպաթիաներ`
- Կլայնֆելտերի համախտանիշ
- տեստիկուլյար ֆեմինիզացիա
- Ռայֆենշտեյնի համախտանիշ
- հիպոթիրեոզ
- կաստրացիա
- ամորձիների ուռուցքներ (Լեյդիգի բջիջների առաջացում)
- խորիոկարցինոմա
- հիպոֆիզի և մակերիկամի ուռուցքներ:
Գինեկոմաստիան կարող է լինել բրոնխների քաղցքեղի ախտանիշ: Անյ կարող է առաջանալ նաև լյարդի ցիրոզի և դիստրոֆիայի հետևանքով:
Գինեկոմաստիան կարող է ի հայտ գալ մի շարք դեղամիջոցների երկարատև օգտագործման ժամանակ`
- սպիրոնոլակտոն
- դիգիտալիս
- մեթիլդոպա
- ռեզերպին
- մեպրոբամատ
- ֆենոթիազին
- կանաբիանտներ
- էստրոգեններ
- տեստոստերոն
- գոնադոտրոպին
Գարեջրի չափից շատ օգտագործումը բերում է գինեկոմաստիայի, քանի որ գարեջուրը պարունակում է ֆիտոէքստրոգեններ: Ինչպես նաև հաշիշի, մարիխուանայի կամ հերոյինի օգտագործումը կարող է բերել գինեկոմաստիայի:
[edit] Կլինիկական պատկերը
Կրծքի (կաթնագեղձի) շրջանում ծանրության տհաճ և անհանգստացնող զգացում: Շոշափելիս նկատվում է խիտ, էլաստիկ և շարժուն գոյացություն, հստակ կոնտուրներով, անցավ: Ռեգիոնար ավշահանգույցները մեծացած չեն:
[edit] Ախտորոշումը և տարբերակիչ ախտորոշումը
Ախտորոշման համար հարկավոր է ուլտրաձայնային հետազոտություն: Որոշ դեպքերում կատարվում է մամոգրաֆիա:
Ախտորոշման ընթացքում կարևոր է հիվանդության առաջացման պատճառի հայտնաբերումը, կասկածելի դեպքերում կատարվում են հավելյալ հետազոտություններ`
- գանգի և կրծքավանդակի ռենտգենաբանական հետազատություն
- հորմոնալ պրոֆիլի հետազոտություն
- հետազոտում են լյարդի ֆունկցիաները:
Կաթնագեղձի ուռուցքի բացառման համար կատարվում է գոյացության պունկցիա և հետագա բջջային բաղադրության հետազոտություն:
[edit] Բուժումը
Հասուն տղամարդկանց և երիտասարդների բուժումը վիրաբուժական է. հեռացվում է կաթնագեղձը` մաստէկտոմիա:
Նորածինների և մինչ սեռական հասունացումը երեխաների վիրաբուժական բուժման կարիք չկա:
