Ամեոբիազ
From Armenian Medical Info
Ամեոբիազը ինֆեկցիոն հիվանդությունն է, որի պատճառ են հանդիսանում ամեոբաները: Տարբերում են հիվանդության երեք հիմանական ձևեր`
- աղիքային
- արտաաղիքային
- մաշկային:
[edit] Աղիքային ամեոբիազ
Աղիքային ամեոբիազը կամ ամեոբային դեզինտերիան ինֆեկցիայի հիմնական և ամենատարածված ձևն է: Ինկուբացիոն ժամանակահատվածը տատանվում է 1-2 շաբաթից մինչը 3 ամիս և ավելին: Հիվանդությունը կարող է ընթանալ թեթև, միջին և ծանր ձևերով:
Հիմանականում հիվանդների ինքնազգացողությունը մնում է բավարար: Մարմնի ջերմաստիճանը նորմալ է կամ մի փոքր բարձր: Ինտոքսիկացիան արտահայտված չէ: Կարող են անհանգստացնել աննշան թուլությունը, արագ հոգնելը, ախորժակի վատացումը և որովայնի շրջանում կարճաժամկետ ցավերը:
Հիվանդության հիմնական ախտանիշն է հանդիսանում դեֆեկացիայի խանգարումները: Սկզբում կղանքը պինդ է, լորձի առկայությամբ, հաճախությունը` օրը 4-6 անգամ: Հետո կղանքը վեր է ածվում թափանցիկ լորձի, հաճախությունը` օրը 10-20 ագամ: Ավելի ուշ կղանքում հայտնվում է նաև արյուն, այս ստանում է "գետնամորու ջեմ"-ի տեսք: Հիվանդության սուր փուլում կարող են լինել անընդհատ ցավեր որովայնի շրջանում:
Աղիքային ամեոբիազի կլինիկական սուր դրսևորումները սովորաբար պահպանվում են 4-6 շաբաթ, հետո հիվանդների վիճակը լավանում է, նույնիսկ առանց սպեցիֆիկ բուժման, սակայն այդ դեպքում հիվանդությունը անցնում է խրոնիկ ընթացքի և հնարավոր են ռեցեդիվներ: Խրոնիկ ամեոբիազը կարող է տևել տասնամյակներ:
Բուժման բացակության դեպքում հնարավոր է օրգանիզմի հյուծում և նաև մահ:
Աղիքային ամեոբիազի դեպքում հնարավոր են հետևյալ բարդությունները`
- պերկոլիտներ
- աղիքի պատի պերֆորոցաի և հետագա պերիտոնիտ
- լորձթաղանթի գանգրենա
- արյունահոսություն
- սուր սպեցիֆիկ ապենդիցիտ
- աղիքի ստրիկտուրաներ
- ուղիղ աղիքի արտանկում:
[edit] Արտաաղիքային ամեոբիազ
Արտաաղիքային ձևերից ավելի հաճախ է հանդիպում լյարդի ամեոբիազ: Այն կարող է հանդիսանալ տարած աղիքային ամեոբիազի հետևանք: Ընթացքը սուր կամ խրոնիկ է: Կարող է ընթանալ երկու ձևով`
- ամեոբային հեպատիտ
- լյարդի ամեոբային աբսցես:
Ամեոբային հեպատիտի ախտանիշներն են`
- աջ ենթակողային հատվածում ցավեր
- լյարդի մեծացում և հյուսվածքի պնդացում
- ջերմության աննշան ավելացում
- մաշկի և լորձաթաղանթների դեղնում (պարտադիր ախտանիշ չէ):
Լյարդի ամեոբային աբսցեսի առաջացման դեպքում վերոհիշյալ ախանիշները ավելի արտահայտված են, անհանգստացնում է թուլությունը ը քրտնարադրությունը:
Ամեոբային աբսցեսի բարդություններ կարող են հանդիսանալ`
- թարախային պերիտոնիտներ
- պլևրիտներ
- պերիկարդիտներ
Այս դեպքում մահացությունը կազմում է 25%:
[edit] Մաշկային ամեոբիազ
Ամեոբիազից հետո հնարավոր է նաև մաշակյին ամեոբիազի արաջացումը` պերիանալ և հետույքի շրջաններում, որոնք լինում են էրոզիաների և խոցերի տեսքով:
