"Դեղերի և բժշկական տեխնոլոգիաների փորձագիտական կենտրոն" ՓԲԸ-ի "Վերլուծական լաբորատորիա" մասնաճյուղ
From Armenian Medical Info
ՀՀ առողջապահության նախարարության "ՙԴեղերի և բժշկական տեխնոլոգիաների փորձագիտական կենտրոն" ՓԲԸ-ի մասնաճյուղ "Վերլուծական լաբորատորիա" փորձագիտական անալիտիկ լաբորատորիան հիմնվել է 1993 թվականին` նպատակ ունենալով իրականացնել Հայաստանում արտադրվող, գրանցվող, ներկրվող դեղերի որակի հսկումը:
Լաբորատորիան հագեցած է գերժամանակակից սարքավորումներով և ապահովված է բարձրակարգ մասնագետներով: 2003թ. շվեյցարական SGS ֆիրմայի կողմից "Վերլուծական լաբորատորիա"-ին շնորհվեց որակի կառավարման համակարգի ISO 9001-2000 հավաստագիր:Լաբորատորիան մասնակցում է Առողջապահության Համաշխարհային Կազմակերպության (ԱՀԿ) և Դեղագործների միջազգային ֆեդերացիայի կողմից լաբորատորիաների հավատարմագրման նպատակով իրականացվող թեսթավորմանը:
Լաբորատորայի հիմնական գործառույթներն են`
- գրանցվող դեղերի որակի ցուցանիշների և չափորոշիչ վերլուծական փաստաթղթերի համապատասխանության փորձաքննություն
- Հայաստան ներմուծվող (այդ թվում` մարդասիրական օգնության ճանապարհով) և Հայաստանում արտադրվող դեղերի լաբորատորային փորձաքննություն
- դեղատների և դեղաբազաների մասնագիտական ուսումնասիրության արդյունքում նմուշառված դեղերի որակի ստուգում
- ՀՀ պետական կառավարման մարմինների կողմից ներկայացված դեղերի և նյութերի լաբորատորային հետազոտություն
- պետստանդարտի կողմից ներկայացված սննդամթերքի որակի և անվտանգության փորձարկումներ:
"Վերլուծական լաբորատորիա"-ն ներկայումս հնարավորություն ունի փորձաքննություններ իրականացնել տարբեր ոլորտներում.
- մեղրի որակի հսկում (ըստ FDA-ի պահանջների)
- խթանիչների առկայության (դոպինգ) հսկում (2004թ Վրաստանի օլիմպիական թիմ)
- դեղակինետիկա և կենսահամարժեքության ստուգում (Ուկրաինայի դեղագործական գործարաններ)
- ալկոհոլային խմիչքների հնեցման, մաքրության, համային փնջի որակի և դրանցում ցնդող նյութերի հսկում
- կաթնամթերքում, հյութերում, հանքային ջրերում, մսամթերքում, տարբեր ձկնատեսակներում և ծովամթերքներում հակաբիոտիկների նվազագույն քանակների, վիտամինների, ամինաթթուների, շաքարների, միջատասպանների (պեստիցիդների), ներկանյութերի, մետաղների և այլ նյութերի որոշում, ինչպես նաև մանրէաբանական մաքրության հսկում:
"Վերլուծական լաբորատորիա" փորձագիտական անալիտիկ լաբորատորիան պատրաստ է շահագրգիռ կազմակերպությունների հետ համագործակցել գիտության բնագավառում, իրավաբանական ու մասնավոր անձանց պատվերով կատարել ցանկացած փորձաքննություն և տալ համապատասխան եզրակացություն:
Որակի հսկման լաբորատորիաի տնօրեն` Տիգրան Դավթյան
[edit] Կոնտակտային ինֆորմացիա
Հասցե` Կոմիտաս 49/4, Երևան, 0051, Հայաստան
Հեռախոս` Fax: (+374 10) 280733, (+374 10) 237261
էլ. փոստ` exlab_93@yahoo.com
